Meteorologët në Austri presin reshje të mëdha në ditët në vijim me përmbytje dhe rrëshqitje të mundshme të dheut, sipas Institutit shtetëror meteorologjik Geosphere Austria.

Nga sonte deri të martën mund të bien 100 deri në 200 mililitra shi në pjesën më të madhe të vendit alpin, ndërsa në disa pjesë të Austrisë së Poshtme dhe të Epërme mund të bien rreth 300 mililitra.

Shërbimet e urgjencës përgjatë Danubit po përgatiten për nivele të rralla përmbytjesh, të cilat zakonisht ndodhin një herë në dekadë ose më pak, sipas autoriteteve. Njerëzit ngritën sisteme të lëvizshme të mbrojtjes nga përmbytjet dhe mbushën thasë me rërë.

Pasagjerëve iu tha të prisnin vonesa në aeroportin e Vjenës. “Për shkak të kushteve të këqija aktuale të motit në vende të ndryshme evropiane dhe në Vjenë, aktualisht ka vonesa të izoluara në nisje nga Aeroporti i Vjenës”, thuhet në raport.

Në male, bora shkaktoi mbylljen e rrugëve lokale dhe Salzburgu paralajmëroi për rrezikun e ortekëve. Për shkak të stuhive u anuluan disa koncerte në natyrë dhe lojëra futbolli.