Në ndeshjen e parë të programit të sotëm të xhiros së 21-të të Premier Ligës angleze në futboll, Everton dhe Aston Villa luajtën 0:0 në “Goodison Park”.

Kështu Aston Villa mbeti e treta në renditje me 43 pikë, po aq sa Arsenali i dytë, ndërsa Liverpooli është lider me 45 pikë. Nga ana tjetër, Evertoni mbeti i 17-ti me 17 pikë, një më shumë se i 18-ti Luton Town.

Pavarësisht rezultatit jopopullor, në fillim të lojës pamë futboll dinamik nga të dyja palët.

Aston Villa shënoi në minutën e 18-të, por goli i Alex Moreno u anulua pas një ndërhyrjeje të VAR-it për shkak të pozitës jashtë loje.

Rastin tjetër të madh në ndeshje e pati Leon Bailey në minutën e 28-të, por portieri i Evertonit, Jordan Pickford, me një ndërhyrje të shkëlqyer e shpëtoi goditjen e tij.

Në pjesën tjetër të ndeshjes pati shumë nervozizëm dhe pamë disa shkelje të vrazhda dhe shansin më të mirë për të fituar e pati John Duran në minutën e 89-të, por sulmuesi i ri i Aston Villas dërgoi topin mbi portë dhe ndeshja përfundoi pa fitues.

Aston Villa humbi kështu shansin për të barazuar me Liverpoolin në krye të tabelës me një lojë më pak.