Partia Demokratike e Kosovës do të ngre padi për shpifje ndaj deputetes së Lëvizjes Vetëvendosje, Arbëreshë Kryeziu-Hyseni, e cila ditë më parë tha se dy zyrtarët e PDK-së Bernard Nikaj dhe Petrit Selimi kanë lobuar në Bruksel kundër heqjes së masave ndëshkuese ndaj Kosovës.

Sekretarja e përgjithshme e PDK-së, Vlora Çitaku, në konferencë për media të premten, tha se pretendimet e deputetes së pushtetit janë shpifje dhe propagandë për të mbuluar dështimet dhe izolimin ndërkombëtar të Kosovës.

Sipas saj, masat ndëshkuese të BE-së janë pasojë e politikave aventureske dhe të gabuara të kryeministrit Albin Kurti.

Çitaku tregoi angazhimin që sipas saj ka bërë kryetari i PDK-së Memli Krasniqi për largimin e sanksioneve.

Ajo foli edhe për dialogun Kosovë-Serbi dhe presionin ndërkombëtar për të dërguar draft-statutin e asociacionit të hartuar nga BE-ja në Kushtetuese. Çitaku nënvizoi se draft-statuti është dashur ta shkruajnë vetë institucionet dhe në përputhje me Kushtetutën dhe pritjet e aleatëve.

Lajmi i plotë në sistemin me parapagim.