Kryeministri Albin Kurti dhe kryetari i Podujevës Shpejtim Bulliqi marrin pjesë në vënien e gurthemelit për ndërtimin e sallës sportive në shkollën “Ali Ajeti”. (Fshati Sfeçël, ora 09:00)
Këshilli Prokurorial i Kosovës (KPK) mban takimin e radhës. (Objekti i Prokurorit të Shtetit, salla e takimeve, kati i tretë, Prishtinë, ora 9:00)
Kryeministri Albin Kurti dhe kryetari i Podujevës Shpejtim Bulliqi marrin pjesë në vënien e gurthemelit të Qendrës së Kompetencës. (Fshati Livadicë, afër fabrikës së biberit, ora 9:30)
Mbahet turneu ballkanik i Olimpiadës Speciale në futbollin unifikues. Marrin pjesë ministri i Kulturës Hajrulla Çeku, kryetari i Komitetit Olimpik të Kosovës Ismet Krasniqi, kryetari i Federatës së Futbollit të Kosovës Agim Ademi. (Fusha e futbollit “Princi”, lagjja “Arbëria”, pranë selisë së KFOR-it Prishtinë, ora 09:30-16:00)Grupi për Studime Juridike dhe Politike (GLPS), Instituti GAP dhe Instituti për Politika Zhvillimore (INDEP) mbajnë konferencën “Kontratat e negociuara të Qeverisë për vitin 2023: Vlerësim i praktikave dhe efikasitetit”. (Zyrat e GLPS-së, rruga “Rexhep Luci” 16/1 mbi Maxi Market, Prishtinë, ora 10:00)
Qendra për Jetë të Pavarur organizon tryezën e rrumbullakët për këmbimin e informacioneve mbi financimin e shërbimeve sociale në Kosovë, licencimin dhe ri-licencimin e ofruesve të shërbimeve sociale dhe organizatave që ofrojnë shërbime sociale. (Hotel “Garden” Prishtinë, ora 10:00)
Shpallet urdhri për zhdëmtimin e viktimave në çështjen gjyqësore Pjetër Shala. (Hagë, ora 11:00)
