Arrestohen 20 persona, sekuestrohen mbi 120 mijë euro e disa vetua
Drejtat Autoriale
Lexohet për: 1 min.
Foto Ilustruese
Janë arrestuar 20 persona pas një aksioni që ka kryer të martën në 14 lokacione të vendit. Gjatë këtij aksioni të Policisë në bashkëpunim me Prokurortinë kanë kontrolluar 14 lokacione, në Prishtinë, Ferizaj, Kaçanik dhe Klinë dhe 20 personat e arrestuar janë të dyshuar se kanë kryer veprat penale: “Hyrja e paautorizuar kompjuterike” dhe “Mashtrimi”.
Në komunikatën e përbashkët që kanë lëshuar këto dy institucione, thuhet se në zbatimin e këtij plani, kanë marrë pjesë rreth 120 zyrtarë policore, si edhe zyrtarë gjerman, prokurorë dhe zyrtarë policor.
“Gjatë këtij operacioni, janë sekuestruar 120 mijë euro para të gatshme, pesë vetura, janë ngrirë mjetet financiare nëpër banka në Kosovë si dhe prona të paluajtshme, rreth 30 kompjuterë, rreth 30 telefona, pajisje memorizuese dhe dokumente dhe prova të tjera relevante për rastin”, thuhet në njoftim.
Më tej thuhet se me urdhër të Prokurorit nga Prokuroria Speciale, 10 të dyshuar dërgohen në mbajtje prej 48 orëve, ndërsa 10 të dyshuar të tjerë lirohen në procedurë të rregullt.
