Industria e drurit është një sektor kyç për zhvillimin ekonomik të Kosovës, e po ashtu kjo industri ka potencial të rrisë përfitimet ekonomike të vendit. Kështu ka thënë ministrja e Ministrisë së Industrisë, Ndërmarrësisë dhe Tregtisë, Rozeta Hajdari në edicionin e shtatë të Konventës së Industrisë së Drurit.
Ndërsa, ka shtuar se prodhimi i drurit dhe mobileve konsiderohet një nënsektor në rritje me një normë të lartë të rritjes në vlerën e shtuar të produktit prej 10 për qind.
Ambasadori i Suedisë në Kosovë, Jonas Westerlund ka thënë se Kosova ka përparuar sa i përket industrisë së drurit dhe mobileve, përgjatë viteve të kaluara.
“Kosova ka përparuar sa i përket industrisë së drurit dhe mobileve. Përgjatë viteve të kaluara, shitja brenda dhe eksporti ka shënuar rritje prej 70 milionë eurove, në pesë vitet e fundit, dhe këto janë shifra mbresëlënëse. Mendoj se janë akoma disa sfida, sa here që vijnë kompanitë suedeze në Kosovë, përmenden disa çështje, e para është kapaciteti i kufizuar në industrinë e mobiljeve, ngase kompanitë e mëdha si IKEA duan vëllim të madh, kështu që kjo është sfidë, e po ashtu edhe financimi i kompanive të vogla është sfidë”, tha Westerlund.
