Më një mesazh paqeje për miqësinë e Kosovës me Shtetet e Bashkuara të Amerikës (SHBA) është vendosur një baner në Prishtinë me fotografitë e kandidatëve për president të SHBA-së, Kamala Harris dhe Donald Trump.

Derisa në Amerikë po mbahen zgjedhjet presidenciale, ky baner i cili u vendos krah atij për mbështetje për Ukraninë “Free Ukranine”, është iniciativën e Institutit për Studime të Luftës Hibride “Octopus”.

Hulumtuesi i lartë në Octopus, Gurakuç Kuçi tha se populli i Kosovës qëndron gjithmonë krah Shteteve të Bashkuara të Amerikës, derisa theksoi rëndësinë e zgjedhjeve presidenciale që po mbahen atje.

Kuçi potencoi se përveç pavarësisë, SHBA-në me Kosovën i bashkon vlera, dinjiteti dhe qëndresa për vetëvendosje.

Ndër të tjera, Kuçi tha se përkrahja e Kosovës nuk ka munguar as nga republikanët e as nga demokratët, gjatë kohës sa ata ishin në pushtet.

Ai theksoi se Shtete e Bashkuara të Amerikës kanë një demokraci, strategji dhe sistem stabil, për çka sigurojnë botën për një të ardhme më të sigurt.

Ky baner është një mesazh falënderimi për ndihmën e vazhdueshme të Amerikës.