Zgjedhjet presidenciale që po mbahen sot (e martë) në Shtetet e Bashkuara të Amerikës po konsiderohen të jenë historike. Ndryshimi i mundshëm i administratës amerikane, pritet të ndikojë në qasjen e ShBA-së karshi problemeve globale, por edhe ndaj Kosovës. Atje sot votohet për presidentin e ri, ndërkaq sondazhet tregojnë për një garë të ngushtë.

Për zgjedhjet presidenciale, kandidatë janë Kamala Harris nga Partia Demokratike dhe Donald Trump nga Partia Republikane.

Faton Bislimi nga Liga qytetare shqiptaro-amerikane (LQShA), thotë për KosovaPress se shqiptarët atje do të përkrahin në masë të madhe zëvendëspresidenten Harris.

Tri ditë para zgjedhjeve në Shtetet e Bashkuara, kandidatja për presidente, Kamala Harris i është drejtuar me letër komunitetit shqiptaro-amerikan. Në këtë letër theksohen marrëdhëniet dhe kontributi amerikan për arritjen e pavarësisë të Kosovës.

Kryetari i komitetit shqiptaro-amerikan, Haxhi Dauti thotë se kjo është letra e parë për shqiptarët.

Ndryshimi i administratës amerikane pas kësaj gare presidenciale, sipas aktivistit politik në ShBA, Faton Bislimi thekson se do të ndikojë edhe në Kosovë.

Këto zgjedhje presidenciale do të përcaktojnë jo vetëm fatin e Shteteve të Bashkuara, thotë ish-deputeti i Lidhjes Demokratike të Kosovës. Sipas tij, edhe komuniteti shqiptaro-amerikan është i vetëdijshëm për rëndësinë e këtij procesi zgjedhor.

https://kosovapress.com/harris-apo-trump-eshte-koha-qe-amerika-te-vendose

Komiteti shqiptaro-amerikan konsideron se zgjedhjet e sotme në ShBA do të jenë në dobi të shqiptarëve atje.

https://kosovapress.com/pse-pensilvania-dhe-michigani-kane-kaq-shume-rendesi

Kamala Harris është zëvendëspresidente e Shteteve të Bashkuara nën udhëheqjen e demokratit Joe Biden.

Ndërkaq, Trump ishte president i SHBA-së në periudhën 2017-2021./Sh.Pajaziti