GLPS: Kosova s’ka arritur të shënojë ndonjë progres të theksueshëm në Raportin e Progresin
Lajme
Lexohet për: 1 min.
1 muaj më parë
Linku u kopjua
Kosova s’ka arritur të shënojë ndonjë progres të theksueshëm në Raportin e Progresit për vitin 2024, thonë në Grupin për Studime Juridike dhe Politike (GLPS). Dy ditë pas publikimit të raportit për vendin nga Komisioni Evropian, në GLPS, thanë se në bazë të të gjeturave shihet se Kosova ka shënuar progres vetëm në dy kapituj dhe gjithsej katër fusha.
Hulumtuesja në GLPS, Dea Fetiu, në konferencë për medie të premten, tha se Kosova ka shënuar progres në kapitullin 24, që ka të bëjë me drejtësinë, lirinë dhe sigurinë si dhe kapitulli 19 ku flitet për politikat sociale dhe punësimin.
Ajo përmendi edhe Ligjin për zyrtarët publik, që sipas saj është në kundërshtim me parimet e SIGMA-s dhe degradon funksionimin e shërbimit.
Krahas këtyre, ajo shtoi nevojën për zbatim të Marrëveshjes Bazë të Brukselit dhe aneksit të Ohrit, për normalizimin e raporteve ndërmjet Kosovës dhe Serbisë.
