OneFor brenda një viti të operimit në Kosovë arriti që ti ketë 30,000 klientë aktivë dhe 50,000 kartela Mastercard të lëshuara.

OneFor është shkarkuar nga mbi 100,000 individë, duke e renditur OneFor si aplikacionin më të shkarkuar financiar në Kosovë

Sot OneFor ka rreth 45% të tregut të klientëve që kanë llogari digjitale financiare ndërsa mbi 80% të tregut të kartelave në industrinë financiare jo- bankare.

Që nga lansimi i OneFor në  Kosovë, një vit më parë, në  shtator 2023 aplikacioni për shërbime financiare digjitale OneFor është  shkarkuar nga mbi 100,000 individë, ndërsa ka arritur në  30,000 numri i klientëve aktivë në OneFor.

Rritja e shpejtë dhe organike e përdorimit të aplikacionit OneFor në Kosovë ka pozicionuar OneFor në  një akter të rëndësishëm në tregun financiar jo bankar në  vend me një  pjesëmarrje prej 80% në  rritjen mujore të tregut.

“ Aplikacioni OneFor po shkarkohet mesatarisht nga 300 klientë  të  interesuar në  baza ditore. Kjo rritje e përdorimit të  OneFor në  Kosovë në vitin e parë të  operimit është testament i një produkti të shumëpritur dhe inovativ të sjellur në Kosovë që ofron një  përvojë krejtësishtë  digjitale dhe të përmirësuar në qasjen dhe menaxhimin e transaksioneve financiare” thotë  Yll Dushi drejtor i përgjithëshëm i OneFor Kosova.

OneFor është aktive në  Evropë  që  nga 2021,  ndërsa në  Kosovë u licencuar nga Banka Qendrore e Kosovës si Institucion Financiar Jo-Bankar (IFJB) me iniciativë të kompanisë amë OneFor Holding GmbH, me seli në Düsseldorf.

Përgjatë vitit të parë të operimit në Kosovë, OneFor arriti që lansojë edhe IBAN local, duke u bërë insitucioni i pare financiar jo-bankar që ofrojë këtë mundësi të lehtësimit të pagesave brenda dhe jashtë OneFor.

Në anën tjetër, në vitin e parë të operimit OneFor lansoi edhe llogarinë për Bizneset dhe mundësoi integrimin e pagesave me QR në platforma të e-commerce-it dhe integrim të shërbimeve të  pagesave brenda aplikacionit si  atë të parkingut, e-sim etj.

Aplikacioni OneFor tashmë  po bëhet një  aplikacion shumë i popullarizuar në  mesin e gjeneratës Z.

“Përvec tjerash fuqizimi financiar i të  rinjëve është  në  agjendën e prioriteteve tona. Rreth 60% e klientëve tanë janë të moshës 25 vjec, moshë kjo e klientëve që kanë kryer studimet, janë punësuar dhe natyrshëm preferojnë kursimin e kohës në kryerjen edhe të shërbimeve finanvciare. Në anën tjeterë përmes  funksionit të  hapjes  së  llogarisë  Junior për moshat  7 – 18 vjet,  po synohet edukimi financiar për buxhetim të  përgjegjshëm dhe përdorim të parasë.” vazhdon më  tej Yll Dushi.

Më shumë për OneFor:

OneFor Holding GmbH, me bazë në Düsseldorf, Gjermani, është kompania amë e  OneFor Kosovës, misioni i së cilës është që të sjell inovacion dhe shërbime financiare moderne për qytetarët e Kosovës. OneFor është një platformë financiare digjitale që lidh përdoruesit me mënyra të përshtatshme, të thjeshta dhe të sigurta të pagesave. OneFor është aktive në Bashkimin Evropian që nga viti 2021.