Ish-trajneri i Borussia Dortmundit dhe Liverpoolit, Jurgen Klopp kishte mundësinë që t’i rikthehet punës, por kësaj radhe tek një kombëtare e madhe. Bëhet fjalë për postin e trajnerit të Shteteve të Bashkuara të Amerikës.

Për Kupën e Botës në shtëpi në 2026, shoqata amerikane donte një emër sa më të madh në stolin e trajnerëve. Në fund, zgjedhja ishte trajneri prej kohësh i Premierligës, Mauricio Pochettino, i cili u prezantua zyrtarisht si trajneri i ri i kombëtares të mërkurën. Siç raporton “The Athletic”, amerikanët mësohet se kanë kohë që po bisedonin me një tjetër kandidat: legjendën e BVB dhe Liverpool, Jürgen Klopp.

Shoqata amerikane e donte shumë Kloppin dhe madje u takua me të disa herë . Por gjermani e refuzoi ofertën. Ndoshta edhe sepse dëshiron një pushim nga puna nëntë vjeçare në Liverpool, përcjellë KosovaPress.

Sipas raportit, përveç Klopp dhe Pochettinos, trajnerë të tjerë yje si Pep Guardiola ,Gareth Southgate, Graham Potter dhe Thomas Frank ishin në listën e dëshirave të SHBA-ve.