Mbi 20 mijë të vrarë në konfliktin në Sudan, thotë shefi i OBSH-së
Lexohet për: 2 min.
f32
5 muaj më parë
Linku u kopjua

Më shumë se 20 mijë njerëz janë vrarë në konfliktin e vazhdueshëm në Sudan midis ushtrisë dhe grupit paraushtarak të Forcave të Mbështetjes së Shpejtë (RSF) qe nga prilli 2023, tha sot drejtori i përgjithshëm i Organizatës Botërore të Shëndetësisë (OBSH).

Në një konferencë shtypi në Port Sudan gjatë një vizite dy-ditore në Sudan, Tedros Adhanom Ghebreyesus tha se 10 milionë njerëz të tjerë janë zhvendosur brenda vendit, përveç dy milionë refugjatëve në vendet fqinje.

“Shkalla e emergjencës është tronditëse, ashtu si edhe masat e pamjaftueshme që po ndërmerren për të kufizuar konfliktin dhe për t'iu përgjigjur vuajtjeve që ai po shkakton,” tha ai.

Ai tha se pothuajse gjysma e popullsisë 25 milionëshe të Sudanit ka nevojë për ndërhyrje urgjente, ndërsa 70% e sektorit shëndetësor të vendit nuk është më funksional.

Shefi i OBSH-së i bëri thirrje "botës që të zgjohet dhe të ndihmojë Sudanin të dalë nga makthi që po përjeton".

Të shtunën, Ghebreyesus përsëriti angazhimin e OBSH-së për të adresuar çështje emergjente humanitare dhe shëndetësore në Sudan, duke përfshirë pasigurinë, zhvendosjen masive, përmbytjet, urinë dhe shpërthimet e sëmundjeve. /AA

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2025