SHBA kap aeroplanin e presidentit të Venezuelës
Bota
Lexohet për: 2 min.
1 muaj më parë
Linku u kopjua

Shtetet e Bashkuara të Amerikës kanë sekuestruar avionin e presidentit të Venezuelës Nicolas Maduro në Republikën Domenikane pasi konstatuan se sanksionet amerikane ishin shkelur gjatë blerjes së avionit. SHBA dërgoi avionin në Florida sot, sipas dy zyrtarëve amerikanë. 

Zyrtarët amerikanë thanë se avioni është ekuivalenti i Venezuelës me Air Force One dhe është përdorur nga Maduro në vizitat shtetërore në të kaluarën.

"Kjo dërgon një mesazh deri në krye. Ajo dërgon një mesazh të qartë se askush nuk është mbi ligjin, se askush nuk është mbi shtrirjen e sanksioneve të SHBA," tha një zyrtar amerikan për CNN.

Avioni Dassault Falcon 900, me vlerë rreth 13 milionë dollarë, ka qenë në Republikën Domenikane muajt e fundit. Zyrtarët amerikanë bashkëpunuan ngushtë me Republikën Domenikane, e cila njoftoi Venezuelën për konfiskimin.

SHBA rivendosi sanksionet ndaj sektorit të naftës dhe gazit të Venezuelës në fillim të këtij viti pasi Qeveria e Maduros refuzoi të lejonte mbajtjen e zgjedhjeve presidenciale konkurruese. Pasi Maduro fitoi sërish më 28 korrik, Venezuela pezulloi fluturimet komerciale drejt dhe nga Republika Domenikane.

Në mars 2020, Departamenti Amerikan i Drejtësisë paditi Maduro, së bashku me 14 zyrtarë aktualë dhe ish-zyrtarë venezuelas, për narko-terrorizëm, trafik droge dhe korrupsion.

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024