Ministri i Punëve të Brendshme, Xhelal Sveçla ka thënë se hapja e urës kryesore mbi lumin Ibër nuk është çështje e dialogut. Sipas tij, kjo temë është mbyllur në vitin 2016 dhe tani po presin fazat inspektuese dhe procedurale për hapjen e saj.

Sveçla që ishte shoqëruar me ministrin e Administrimit të Pushtetit Lokal, Elbert Krasniqi, pak pas përfundimit të protestës së pjesëtarëve të komunitetit serb në veri, tha se për hapjen e urës ekziston edhe një vendim i kuvendit komunal të Mitrovicës së Veriut.

"Kjo është çështje e mbyllur në vitin 2016. Nuk është çështje e dialogut fare. Kjo është çështje e të drejtës për tu hapur dhe po ashtu është një çështje e një vendimi(të kuvend komunal të Mitrovicës së Veriut)", tha ai.

Duke folur për protestën e sotme të pjesëtarëve të komunitetit serb kundër hapjes së urës, Sveçla tha se ata kanë të drejtë demokratike për të protestuar.

"Kanë të drejtën për të protestuar përderisa është e drejtë demokratike", tha ai.

Në Mitrovicën e Veriut, pranë urës së Ibrit, kanë protestuar pjesëtarë të komunitetit serb të Kosovës, të cilët kundërshtuan hapjen e urës për qarkullim të veturave.

Lajmi i plotë në sistemin me parapagim...

https://kosovapress.com/protesta-ne-veri-kerkohet-te-mos-hapet-ura-e-ibrit