Trajneri i Real Madridit, Carlo Ancelotti e ka pranuar haptazi që Vinicius Junior duhet ta fitojë Topin e Artë.

Këtë vit gara për Topin e Artë si duket është mes katër futbollistëve, dhe për herë të parë që një kohë të gjatë në listë nuk gjenden Lionel Messi e Cristiano Ronaldo, raporton KosovaPress.

Tre yjet e Real Madridit, Vinicius Junior, Jude Bellingham e Dani Carvajal dhe mesfushori i Manchester Cityt, Rodri po i prijnë garës për Topin e Artë.

E për Ancelottin, Vinicius është fituesi i këtij çmimi prestigjioz.

“Carvajal bëri shumë mirë, ai fitoi La Ligën, Ligën e Kampionëve dhe shënoi në finale, fitoi Euron. Por Vinicius… lojtar i talentuar, i ri, imazh i mirë, fitoi La Ligën, fitoi Ligën e Kampionëve duke shënuar në finale dhe gjysmëfinale. Ai shënoi dy gola në Munich”, tha Ancelotti.

“Jude pati një sezon fantastik. Fitimi i Ligës së Kampionëve, fitimi i ligës dhe ishte një surprizë e madhe. Lojtari më i mirë i sezonit të ligës. Rodri është gjithashtu një mesfushor fantastik, një nga mesfushorët më të mirë në garë dhe konsistent”, shtoi më tej Ancelotti.