“Ky rrugëtim...”, reagon Distria Krasniqi
Sport
Lexohet për: 2 min.
Xhudsitja kosovare Distria Krasniqi ka reaguar për herë të parë pasi në Lojërat Olimpike në Paris i stolis me medaljen e argjendtë, një tjetër sukses ky historik për xhudon dhe sportin e Kosovës në përgjithësi.
Përmes një reagimi në rrjetin social Instagram, Krasniqi ka thënë se ky rrugëtim ishte i mbushur me shumë sakrifica, por që ka shtuar se ndihet krenare për atë që ka arritur.
“Ky rrugëtim ka qenë me sakrifica të panumërta, punë dhe përkushtim por gjithçka ja vlejti ne fund. Jam shumë krenare që përfaqësoj vendin tim dhe të sjell këtë arritje të jashtëzakonshme ne Kosovë”, ka shkruar Krasniqi, përcjellë KosovaPress.
Ajo më tutje ka falënderuar trajnerin Driton Kuka për punë e bërë së bashku me të.
“Një falenderim i madh për trajnerin tim të mrekullueshëm, ekipin, familjen dhe miqtë për mbështetjen e tyre të palëkundur dhe besimin në mua. Mbështetja juaj ka qenë forca ime shtytëse. Kjo medalje e argjendtë është e veçantë pasi është medalja ime e dytë Olimpike, e para në Tokyo 2020 e fituar ne një kategori tjetër. Jam shumë e lumtur që arrita në finalen olimpike edhe një herë dhe mirënjohëse për mundësinë për të garuar në nivelin më të lartë. Faleminderit të gjithëve që kanë qenë pjesë e këtij udhëtimi të jashtëzakonshëm”, ka shkruar në fund Dsitria Krasniqi.