Presidentja e Republikës së Kosovës, Vjosa Osmani, ka folur sërish për ecurinë e garuesve kosovarë në Lojërat Olimpike në Paris, atje ku deri më tani Kosova ka siguruar vetëm një medlaje, atë të argjendtën nga xhudistja Distria Krasniqi.

Pavarësisht kësaj, Osmani përmes një statusi në “Facebook” ka thënë se Kosova po dëshmon në Paris paraqitjet të nivelit të lartë, por fati nuk ishte me garuesit në xhudo dhe boks, raporton KosovaPress.

“Në paraqitjet e deritashme në Lojërat Olimpike në Paris, Kosova demonstroi shpirt luftarak, profesionalizëm dhe këmbëngulje. Një e argjendtë dhe duele të tjera jashtëzakonisht sfiduese janë dëshmi e vendosjes së shtetit tonë në majat e sportit botëror. Dje, fati nuk ishte në anën tonë as në garat e xhudos e as në ato të boksit, pavarësisht punës së pareshtur e paraqitjes së jashtëzakonshme të sportistëve tanë.

Pavarësisht rezultateve, Osmani ka siguruar sportistët atje se e gjithë Kosova është në mbështetje të tyre, raporton KosovaPress.

“Teksa paraqitjet e tjera po i përcjellim nga Kosova, shpresoj që të gjithë garuesit tanë ta dijnë se pavarësisht se a fitojnë medalje apo jo, Kosova është me ta në çdo hap e në çdo sfidë”.