Pavarësisht mungesës së kryesuesit dhe zëvendëskryesuesit, Komisioni Hetimor për tekstet shkollore ka zhvilluar mbledhjen të hënën, por që e njëjta u konsiderua jo ligjore dhe në kundërshtim me Rregulloren e Kuvendit. Megjithëkëtë, komisioni i përbërë nga deputetë të mazhorancës intervistuan tre ish-ministra të Arsimit, ndërsa ish ministrja Hykmete Bajrami refuzoi të përgjigjet pasi tha se nuk merr pjesë në shkeljen ligjore të deputetëve të pushtetit.

Pasi deputetët opozitarë, përfshirë kryesuesin e komisionit, Shemsedin Dreshaj dhe zëvendëskryesuesi, Ardian Kastrati nuk erdhën në mbledhje, anëtari i komisionit, deputeti i LVV-së, Armend Muja propozoi kolegen e saj deputete, Arjeta Fejza që të kryesoi mbledhjen.

Mirëpo, ky vendim nga ish ministrja e Arsimit, Hykmete Bajrami, e cila është edhe deputete e LDK-së në legjislaturën aktuale u konsiderua jo ligjore dhe në shpërputhje me Rregulloren e Kuvendit.

Ajo tha se kjo mbledhje po mbahet jashtëligjshëm dhe se pa qenë kryesuesi dhe zëvendëskryesusi komisioni nuk mund të mbahet, ani pse munden me qene të pranishëm gjashtë deputetë.

Sipas saj, këtë e dëshmon edhe Administrata e Kuvendit.

Këtë e mohoi deputeti Muja, i cili tha se në bazë të Ligjit për hetim parlamentar, nenin 11, pikës 3 mbledhjet mbahen detyrimisht me ftesën e një të tretës së deputetëve.

Krahas kësaj deputeti i pushtetit kërkoi që nga mbledhja të largohet një anëtare e administratës së Kuvendit, pasi sipas tij e njëjta pa autorizim po tenton të influencoi për mbarëvajtjen e mbledhjes së deputetëve.

Pas kërkesës së Mujës ajo u largua nga mbledhja.

Pavarësisht këtyre dilemave për mbarëvajtjen e mbledhjes së komisionit, deputetët e mazhorancës ftuan si dëshmitarë ish-ministra të Arsimit.

Para deputetëve raportoi ish ministri i Arsimit nga radhët e PDK-së, Arsim Bajrami, i cili ka shërbyer në vitet 2014-2017.

Ai tha se gjatë tri viteve të mandatit të tij tekstet shkollore janë siguruar në pajtim me ligjin. Ish ministri deklaroi se në vitin e tretë qeverisës ka arrit që të sigurojë tekstet shkollore për vetëm 3.5 milionë euro, nga 8 milionë sa ishte në vitin e parë.

Ndërkaq, ish-ministri i Arsimit gjatë  viteve 2017-2020, Shyqyri Bytqi,  tha se nuk mban mend koston totale të sigurimit të librave, mirëpo shtoi se shpesh herë ka pasur tejkalime të asaj çka është planifikuar fillimisht në Ligjin për buxhetin.

Po ashtu edhe ish-ministri, Ramë Likaj tha se ai ka shërbyer në kohën e pandemisë, kur fokus ka qenë hapja e shkollave dhe kthimi i nxënësve në bankat shkollore.

Ai tha se nuk i kujtohet sa ka qenë kosto totale e sigurimit të librave në vitin 2020-2021. 

Lajmi i plotë në sistemin me parapagim...