Vdes në QKUK gruaja që u aksidentua sot në rrugën Malishevë-Rahovec
Një grua ka vdekur si pasojë e një aksidenti që ka ndodhur sot në orët e paradites në rrugën Malishevë-Rahovec. Kurse, dy persona të tjerë janë lënduar.
Lajmin për KosovaPress e ka konfirmuar zëdhënësi i Policisë për rajonin e Gjakovës, Sheremet Elezaj.
Ai, ka thënë se në aksident janë përfshire dy vetura.
“Sot rreth orës 07:30 është raportuar aksident trafiku në fshatin Astrazub-Malishevë (rruga Malishevë-Rahovec). Policia ju ka përgjigjur rastit, ku të përfshirë kanë qenë dy automjete dhe një këmbësor (femër e moshës madhore). Këmbësori është dërguar në QKUK për trajtim mjekësor, nga më vonë jemi njoftuar se e njëjta ka ndërruar jetë. Po ashtu edhe dy personave të tjerë (shoferëve) ju është ofruar trajtim mjekësor”, ka thënë Elezaj.
Sipas Elezajt, me vendim të prokurorit të shtetit njëri nga shoferët është dërguar në mbajtje.
