Ministri i Mjedisit, Planifikimit Hapësinor dhe Infrastrukturës, Liburn Aliu, ka thënë se gurthemeli për ndërtimin e katër objekteve banesore për banim social dhe të përballueshëm do të vihet në vjeshtë. 

Pas miratimit të Projektligjit për banim social dhe të përballueshëm, ministri Aliu tha se deri tani kanë aplikuar 13 komuna për identifikimin e lokacionit për ndërtimin e objekteve banesore, ku në katër sosh do të hapet tenderi në shtator, kurse në nëntë komuna të tjera janë ende në fazën e dizajnimit të projektit.

Duke arsyetuar realizimin e këtij projekti në fundin e mandatit të qeverisë, Aliu tha se s’kanë mundur të hyjnë në fazën e realizimit të projektit pa pasur studime dhe fazë përgatitore.

Aliu në konferencë për medie tha se banesat për banim social do të mbeten në pronësi të shtetit dhe do të menaxhohen nga komunat, kurse te banimi i përballueshëm mund të aplikojnë çiftet e reja dhe punëtorët e administratës nga komunat përkatëse.

Në konferencë për medie ishte edhe ministrja e Arsimit, Arbërie Nagavci, e cila bëri të ditur se janë bërë të gjitha përgatitjet e nevojshme për furnizimin me libra për vitin e ri shkollor.

Lajmi i plotë në sistemin me parapagim...