Nuno Tavares nuk pati saktësisht debutimin më të favorshëm për Lazion, pasi ish-lojtari i Arsenalit qëndroi vetëm 20 minuta para se të çalojë i lënduar.

24-vjeçari përfundoi transferimin e tij këtë javë, si huazim me detyrimin për të blerë për një total prej pesë milion euro plus bonuse dhe një përqindje të tarifës së shitjes, raporton KosovaPress.

Ai u fut direkt në formacionin fillestar për testin e sotëm miqësor kundër Trapanit nga trajneri Marco Baroni, por u detyrua të largohej pas vetëm 20 minutash lojë.

Mbrojtësi i majtë pati një problem në në kofshën e majtë dhe u ul në stol me një pako akulli të lidhur në këmbën e tij.

Në vend të tij hyri Luca Pellegrini dhe mbetet për t'u parë për sa kohë do të mungojë Tavares.

Është një fillim i pafat, veçanërisht pasi lojtari portugez tashmë vuajti me probleme të lëndimeve sezonin e kaluar, duke dështuar të ketë shumë ndikim gjatë përvojës së huazimit në Nottingham Forest.

Një problem muskulor e kishte përjashtuar atë për një muaj në shkurt të vitit 2024.