Jaime Lozano është shkarkuar nga posti i trajnerit të Meksikës pas eliminimit në fazën e grupeve të Kupës së Amerikës.

Lozanos i ishte ofruar mundësia për të vazhduar si asistent deri në Kupën e Botës 2026 përpara se të kthehej në rolin e trajnerit deri në vitin 2030, por ai e refuzoi propozimin, raporton KosovaPress.

“Pas Kupës së Amerikës, FMF ka filluar një analizë për të përcaktuar gabimet dhe sukseset dhe për të vlerësuar fushat për përmirësim në proces”, thuhet në një deklaratë.

“Jaime Lozanos iu ofrua një kontratë deri në vitin 2030 në të cilën gjatë periudhës 2024-2026 do të shoqërojë një trajner më me përvojë drejt Botërorit tonë. Lozano na ka njoftuar se nuk dëshiron të vazhdojë. Ne e respektojmë vendimin e tij, e njohim profesionalizmin, kapacitetin dhe përkushtimin e tij të madh”, shkruhej më tej në deklaratën e Federatës së Meksikës.