Alberit Sopa është fituesi i lojës shpërblyese në vlerë prej 10 mijë euro, i shpallur nga Agjencia e Statistikave të Kosovës për të qëlluar numrin e saktë gjatë regjistrimit të popullsisë në Kosovë.

Ai kishte supozuar se numri total i banorëve do të jetë 1 milionë e 586 mijë 640, duke iu afruar më së shumti numrit sipas ASK-së, që është 1 milion e 586 mijë e 659.

Pas pranimit të shpërblimit, Sopa tha u shpreh se përafrimi i numrit me atë real, ka qenë më shumë çështje fati.

Egzona Grajqevci nga komisioni vlerësues tha se vlera e shpërblimit është 10 mijë euro bruto. Ajo tregoi se kriteri për të fituar çmimin ishte që pjesëmarrësit të qëllojnë numrin e saktë ose të përafërt me numrin real të banorëve në procesin e regjistrimit.

Graqevci përmendi se loja shpërblyese ishte e hapur ne platformën "e-Kosova", derisa numri total i pjesëmarrësve është 23 mijë e 494.

Qëllimi i lojës shpërblyese ishte që të sensibilizohen qytetarët për të qenë pjesë e regjistrimit të popullsisë.

Lajmi i plotë në sistemin me parapagim.