Trajneri i Holandës, Ronald Koeman ka kritikuar ashpër teknologjinë VAR dukë thënë se ajo po e prish futbollin pasi Anglisë iu dha një penallti e diskutueshme në gjysmëfinalen e tensionuar të Euro 2024 të së martës.

Holandezët kishin marrë epërsinë e hershme me goditjen e fuqishme të Xavi Simons, por skuadra e Gareth Southgate i kthye në rrugën e shpëtimit kur Harry Kane u pengua nga Denzel Dumfries brenda zonës.

Filimisht loja vazhdoi, por gjyqtari Felix Zëayer më pas akordoi penallti pasi u këshillua të shkonte në monitor nga VAR.

Kane barazoi nga penalltia dhe zëvendësuesi Ollie Ëatkins shënoi golin fitues në minutën e 90-të për të dërguar Anglinë në finalen e së dielës, ku do të luajë kundër Spanjës.

“Për mendimin tim nuk duhej të ishte penallti”, tha Koeman. "Ai e goditi topin dhe këpucët u prekën. Mendoj se ne nuk mund të luajmë siç duhet dhe kjo është për shkak të VAR. Me të vërtetë e prish futbollin", shtoi ai.

Ish-mbrojtësi i Anglisë dhe eksperti i ITV-së, Gary Neville mendoi se Holanda kishte të drejtë të ndihej e mërzitur.

“Si mbrojtës, mendoj se është një vendim absolutisht i turpshëm. Nuk ka asnjë mënyrë që të ishte një penallti. Ai thjesht futet natyrshëm për të bllokuar goditjen. Nuk është një penallti për mua", theksoi ai.