Eksport-importi për maj, Kosova shënon deficit tregtar 2.9%
Biznes
Lexohet për: 3 min.
1 muaj më parë
Linku u kopjua

Kosova ka shënuar deficit tregtar 2.9 për qind në muajin maj 2024, në krahasim me të njëjtën periudhë 2023, në vlerë 430.6 milionë euro, krahasuar me deficitin 443.4 milionë në vitin 2023, teksa eksporti mbulon importin me 16.6 për qind.

Të dhënat e Agjencisë së Statistikave të Kosovës (ASK) tregojnë se eksporti i mallrave në maj 2024 kap vlerën 85.7 milionë euro, ndërsa importi 516.3 milionë që është një rritje 14.6% për eksport, si dhe një rënie 0.3% për import në krahasim me periudhën e njëjtë 2023.

Qarkullimi i mallrave në tregtinë e jashtme

Grupi kryesor i eksporteve përbëhet nga metalet bazë dhe artikujt prej tyre me 24.3%, plastika, goma dhe artikujt prej tyre 13.5%, ushqimet e përgatitura, pijet dhe duhani 11%, artikuj të ndryshëm të prodhuar 10.5% dhe produktet minerale me 8.9%.

Eksportet sipas sektorëve të grupeve kryesore në vlerë

Produktet minerale me 13.5% përbëjnë grupin kryesor të importit, pasuar nga makineritë, pajisjet mekanike dhe elektrike me 12.1%, mjetet e transportit me 12%, ushqimet e përgatitura, pijet dhe duhani 11.7% dhe metalet bazë dhe artikujt prej tyre me 10.2%.

Importet sipas sektorëve të grupeve kryesore në vlerë

Eksportet dhe importet sipas vendeve në vlerë dhe % (në mijë euro)

Eksportet e Kosovës në vendet e BE-së

Eksportet e Kosovës në vendet e BE-së arritën në 28.3 milionë euro, ose rreth 33.3% e eksporteve të përgjithshme, me një rritje prej 29.5%. Partnerët kryesorë për eksportin e mallrave në BE ishin Gjermania (11%), Italia (4.6%), Holanda (2.3%), etj.

Importet e Kosovës nga vendet e BE-së ishin rreth 234.6 milionë euro, ose 45.4% e importeve të përgjithshme, me një rritje prej 9%. Importet me pjesëmarrje me të lartë ishin nga Gjermania (14%), Italia (5.8%), Greqia (6%), etj.

Eksportet e Kosovës me vendet e CEFTA-s

Eksportet e Kosovës me vendet e CEFTA-s arritën në 39.7 milionë euro ose 46,4% të eksporteve të përgjithshme, me një rritje prej 19.8%. Partnerë kryesorë për eksport nga vendet e CEFTA-s ishin Shqipëria (18.1%), Maqedonia e Veriut (16.1%), Mali i Zi (5.5%), Serbia (5.1%).

Importet nga vendet e CEFTA-s arritën në 67.3 milionë euro ose 13% të importeve të përgjithshme, me një rënie prej 30.4%. Vendet me pjesëmarrje më të lartë për import ishin Shqipëria (5.9%), Maqedonia e Veriut (4.2%), Serbia (1.5%).

Eksportet e Kosovës me vendet e tjera të botës

Eksportet e Kosovës me vendet e tjera të botës arritën 17.7 milionë euro ose 20.6%. Partnerë më të rëndësishëm nga këto vende për eksport ishin Zvicra (9.3%) dhe SHBA (3.3%). 

Importet e Kosovës me vendet e tjera të botës arritën 214.4 milionë euro ose 41,5%. Vendet me pjesëmarrje më të lartë për import janë Turqia (14.1%) dhe Kina (10%).

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024