Sali Berisha humb Apelin, mbetet “non grata” në Britani
Lajme
Lexohet për: 1 min.
1 muaj më parë
Linku u kopjua

Ish-presidenti i Shqipërisë Sali Berisha ka humbur apelin në Komisionin Special të Apeleve të Emigracionit në Londër me Ministrinë e Punëve të Brendshme “Home Office”, pas së cilës ai do të vijojë ta ketë të pamundur hyrjen në Britaninë e Madhe.

Avokatët e Berishës tentuan pa sukses të rrëzojnë në këtë komision dosjen britanike përmes të cilës “Home Office” e shpalli person të padëshiruar më 19 korrik 2022 nën akuzat për përfshirje në korrupsion, ndërhyrje në punët e drejtësisë dhe lidhje me krimin e organizuar.

Top Channel ka siguruar vendimin e lexuar këtë të hënë në “Komisionin Special të Apeleve të Emigracionit”, ku gjykatësi i çështjes rrëzoi pretendimet e Berishës se ai gëzonte imunitet dhe nuk mund të ndëshkohej në këtë mënyrë.

“E gjejmë të pavend aplikimin e formulës të imunitetit si ish-kreu i një shteti i aplikuar në këtë apel. Për këtë arsye dhe të tjera të trajtuara në sesionin e mbyllur kundërshtia e Berishës për t’i ndaluar hyrje në Britaninë e Madhe rrëzohet.”

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024