Hapja e urës së Ibrit pritet të trajtohet me seriozitet nga qeveria, opozita kërkon koordinim me aleatët
Tema
Lexohet për: 3 min.
1 muaj më parë
Linku u kopjua

Hapja e urës së Ibrit në Mitrovicë për numrin dy në Qeverinë e Kosovës është një temë që duhet të trajtohet me seriozitet. Sipas zëvendëskryeministres, njëherësh ministres së Punëve të Jashtme dhe Diasporës, Donika Gërvalla forcimi i sovranitetit pa rritur rrezikun është strategjia më frytdhënëse e ekzekutivit. Ajo paralajmëron hapa pozitiv në këtë temë, mirëpo shton se janë të vetëdijshëm që nuk duhet të rrezikojnë sigurinë e vendit. Në anën tjetër, hapjen e urës së Ibrit e mirëpresin edhe nga Aleanca për Ardhmërinë e Kosovës, por theksojnë nevojën e koordinimit me aleatë, kurse kanë dyshime se ky vendim po merret për agjenda elektorale. Ndërkaq, analistët politikë kërkojnë nga qeveria që pa shumë zhurmë politike të hapë urën, përkundër që thonë se qëndrueshmëria e komunitetit serbë në veri nuk është siç ka qenë më herët.

Donika Gërvalla për KosovaPress nuk tregon se kur qeveria do të merr veprime për hapjen e urës, pasi thotë se në momentin kur do të ketë lëvizje qytetarët do t’i shohin.

Hapjen e urës së Ibrit që bashkon Mitrovicën e Jugut të banuar me shqiptarë dhe Mitrovicën e Veriut, të banuar me serbë e konsideron të nevojshme edhe shefi i Grupit Parlamentar të AAK-së, Besnik Tahiri. Megjithatë, ai ngreh dyshime se ky veprim po bëhet për agjenda elektorale. Pavarësisht kësaj, Tahiri kërkon koordinim me Shtetet e Bashkuara të Amerikës për hapjen e urës, në mënyrë, siç thotë mos të ketë kthim prapa të këtij vendimi.

Ndërkaq, analisti politik, Dritëro Arifi, deklaron se s’pret as shumë presion të aleatëve ndërkombëtar për mos hapjen e urës së Ibrit, pavarësisht se vendet e QUNIT-it dhe KFOR-i kanë deklaruar se nuk është momenti që ura të hapet.

Ai thotë se hapja e urës së Ibrit është më shumë çështje humane dhe të drejtave të njeriut, andaj duhet t’i jepet drita e gjelbër.

Revitalizimi i urës së Ibrit ishte paraparë në marrëveshjen për lirinë e lëvizjes, të arritur mes Kosovës dhe Serbisë më 2015 në Bruksel. Edhe pse 6 vjet më parë kanë përfunduar punimet me investime milionëshe të BE-së, ura vazhdon të jetë e mbyllur për veturat.

Pavarësisht kësaj, BE-ja ka deklaruar se nuk është momenti që ura të hapet për shkaqe të sigurisë.

Pikërisht sot janë bërë dhjetë vjet nga heqja e barrikadave mbi urën Ibër në Mitrovicë të vendosura  nga strukturat paralele serbe.

Lajmi i plotë në sistemin me parapagim...

https://kosovapress.com/de-riu-hapja-e-ures-se-ibrit-te-behet-ne-koordinim-me-nderkombetaret

https://kosovapress.com/10-vjet-nga-heqja-e-barrikades-mbi-uren-ne-mitrovice

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024