Zelensky: Jo të gjitha vendet kanë nënshkruar? Do të vijnë
Lajme
Lexohet për: 2 min.
1 muaj më parë
Linku u kopjua

Presidenti Volodomyr Zelensky ka reaguar pasi jo të gjitha vendet pjesëmarrëse të Samitit të Paqes nënshkruan sot deklaratën finale me të cilën njihet integriteti territorial i Ukrainës.

Ai ka thënë se duhet respektuar mendimi i të gjithëve, duke shtuar se ”ata do të vijnë”.

“Disa vende kanë vizionin e tyre të luftës dhe ekziston edhe trashëgimia historike e Bashkimit Sovjetik në marrëdhëniet e tij me disa vende dhe kjo duhet të merret parasysh”, ka thënë ai, raporton ANSA.

Tetëdhjetë vende botërore, në mesin e tyre edhe Kosova, kanë bërë thirrje që integriteti territorial i Ukrainës të jetë themeli i çfarëdo marrëveshjeje për paqe për t’i dhënë fund luftës së Rusisë.

Rusia e Kina nuk morën pjesë në Samitin e Paqes në Zvicër. Arabia Saudite, India, Afrika e Jugut, Tajlanda, Indonezia, Meksika dhe Emiratet e Bashkuara Arabe, ishin në mesin e vendeve që nuk e nënshkruan dokumentin final, sipas qeverisë zvicerane.

Po ashtu edhe Brazili, i cili mori pjesë si vëzhgues, nuk e nënshkroi deklaratën, ndërsa Turqia, një vend që ka kërkuar të jetë ndërmjetës mes Rusisë dhe Ukrainës, e ka nënshkruar deklaratën.

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024