I burgosuri në SHBA vret një punonjës në kuzhinë dhe më pas veten
Bota
Lexohet për: 1 min.
4 javë më parë
Linku u kopjua

Një i burgosur ka vrarë me armë një punonjës kuzhine burgu në shtetin Xhorxhia në SHBA herët në mëngjes, pas së cilës ka kryer vetëvrasje.

Departamenti i Korrigjimeve të Xhorxhia tha në një deklaratë se po heton vdekjet në burgun Smith.

Ai shton se i burgosuri Jaydrekus Hart, i cili ndodhet në burg qe nga 2015 për vrasje nga pakujdesia, qëlloi për vdekje një punonjës që shërbente ushqim në kuzhinën e burgut rreth orës 4:30 të mëngjesit të sotëm, dhe më pas qëlloi veten.

“Ne do të hetojmë tërësisht se si ndodhi ky incident tragjik”, thuhet në deklaratë.

Kjo është vrasja e dytë e anëtarëve të stafit të burgut Smith në më pak se një vit.

Oficeri i burgut Robert Clark (42) vdiq tetorin e kaluar pasi një i burgosur që po e shoqëronte e sulmoi nga pas me një armë të bërë vetë, shkruan ABC News.

Në shkurt 2023, drejtori i burgut Brian Adams u shkarkua. Pas hetimeve, ai u akuzua për ryshfet dhe dhënie të deklaratave të rreme.

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024