“Bëje ose vdis”, Ukshin Hoti përkujtohet në datëlindjen e tij të 81-të
Lajme
Lexohet për: 2 min.
4 javë më parë
Linku u kopjua

Kryeministri Albin Kurti ka përkujtuar sot në Prizren jetën dhe veprën e profesorit të shquar Ukshin Hoti, me rastin e datëlindjes së tij të 81-të.

Në këtë datë të veçantë, kryeministri Kurti tha se Ukshin Hoti  kishte arritur që formimin e tij intelektual dhe profesional t’i arrinte në moshë shumë të re.

“Pikërisht si kryediplomat i Kosovës shkruan edhe librin e parë të tij mbi marrëdhëniet ndërkombëtare të titulluar “Lufta e Ftohtë dhe Detanti” në vitin 1976”. Ai e jetonte atë që e studionte dhe e studionte atë që e jetonte”, tha kryeministri Kurti.

Ai ftoi që të rikthehemi te vepra dhe shembulli që na ofron jeta e Ukshin Hotit.

“Le ta bëjmë këtë gjithnjë në frymën kritike që e mishëronte më së miri vetë ai. Kritika shoqërore e informuar nga një respekt i paepur për të vërtetën na duhet sot po aq sa edhe në kohën kur jetonte e vepronte Hoti. Sot kemi dy organe të mendimit shoqëror shqiptar, Republikën e Shqipërisë dhe Republikën e Kosovës. Le të punojmë fort e bashkë që këto dy organe të bashkërendohen me njëra-tjetrën në interes të vullnetit, të drejtave e nevojave të kombit shqiptar”, tha Kurti.

Ai tha se Ukshin Hoti ndihmoi popullin shqiptar që të vetëmbrohet nga propagandat e ndryshme të ish-pushtetit.

Me rastin e datëlindjes së 81-të të Ukshin Hotit, në Universitetin e Prizrenit që mban emrin e tij, u shfaq edhe ekspozita “Bëje ose vdis” me fotografi nga jeta dhe vepra e Ukshin Hotit, letra të tij nga burgu, dorëshkrime të ndryshme dhe artikujt të shtypit.

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024