Me rastin e Ditës së Çlirimit të Deçanit, në kuadër të aktiviteteve të organizuara nga kjo komunë, u mbajt një seancë solemne në të cilën u nda çmimi "Qytetar Nderi" për neurokirurgun Mentor Petrela.

Përveç kësaj, u vlerësua dhe nderua lartë sakrifica e të rënëve dhe të gjithë atyre që kontribuuan për çlirimin e shtetit të Kosovës.

Përveç kësaj, u vlerësua dhe nderua lartë sakrifica e të rënëve dhe kontributi i të gjithë atyre që ndihmuan në çlirimin e shtetit të Kosovës.

Kryetari i Deçanit, Bashkim Ramosaj shprehu mirënjohje për të gjithë ata që sakrifikuan veten dhe familjet e tyre për të arritur synimin e madh të popullit të Kosovës, çlirimin.

Ai përmendi kontributin e madh të dëshmorit Luan Haradinaj për lirinë e Kosovës dhe vetë Deçanit.

Ramosaj potencoi se tashmë Kosova ka hyrë në një fazë tjetër pas çlirimit, në procesin e shtet ndërtimit.

Ndërkaq, ndër 100 neurokirurgët më të mirë në botë, Mentor Petrela pasi pranoi çmimin qytetar nderi nga i pari i kësaj komune, Ramosaj, u shpreh i emocionuar për pjesëmarrjen në këtë ceremoni.

Petrela përmendi Shtetet e Bashkuara të Amerikës si aletin tonë më të rëndësishëm shekullor, që garantoi ecjen përpara të Kosovës.

Ndërkaq, pjesë në këtë seancë solemne mori edhe Daut Haradinaj. Ai tha se Kosova është në rrugën e duhur për tu bërë pjesë e NATO-s dhe Bashkimit Evropian, duke shtuar se ky ishte edhe misioni i luftëtarëve.

Haradinaj theksoi se duhet të jemi të bashkuar dhe unik në përballje me Serbinë.

Në kuadër të kësaj date, e cila shënon hyrjen  e trupave të Ushtrisë Çlirimtare  të Kosovës në Deçanin e çliruar, u bë ngritja e flamurit kombëtar në qendër të qytetit. Po ashtu, u mboll “Pema e Lirisë”.

Aktivitetet vazhduan me homazhe të shtatores së dëshmorëve dhe heronjve të Deçanit. Homazhe u bënë gjithashtu edhe në Kompleksin Memorial të Dëshmorëve të Kombit në Gllogjan. /Z.Zeneli/

Lajmi i plotë në sistemin me parapagim...