Kosova mirëpret për herë të parë "Government Borrowers Forum" me përfaqësues nga e gjithë bota
Biznes
Lexohet për: 2 min.
1 muaj më parë
Linku u kopjua

Kosova u bë vendi i parë në Ballkanin Perëndimor që ishte nikoqire e Forumit të 41-të “Government Borrowers Forum”.

Forumi i organizuar nga Ministria e Financave, Punës dhe Transfereve, në bashkëpunim me Bankën Botërore, mblodhi së bashku mbi 70 pjesëmarrës nga shtete të ndryshme të botës për të diskutuar tema që ndërlidhen me tregjet e kapitalit ndërkombëtar dhe menaxhimin e borxhit, parashikimin dhe tendencat globale të tregut, politikën monetare, financat e qëndrueshme dhe rritjen ekonomike.

“Në këtë forum, të pranishëm ishin figura të rëndësishme nga skena financiare ndërkombëtare, duke përfshirë Zëvendëspresidentin e Bankës Botërore, Z. Jorge Familiar, dhe përfaqësuesit më të lartë të thesareve dhe institucioneve financiare nga shtete të Azisë, Evropës, Lindjes së Mesme, Amerikës Veriore dhe asaj Jugore”, thuhet në njoftimin e MF-së.

Të pranishmit u pritën nga Ministri i Financave, Punës dhe Transfereve, Hekuran Murati, Drejtori i Zyrës së Bankës Botërore në Kosovë, Massimiliano Paolucci, Guvernatori i Bankës Qendrore të Republikës së Kosovës, Ahmet Ismaili, si dhe Drejtori i Përgjithshëm i Thesarit të Kosovës, Nysret Koca.

“Forumi zgjati nga data 10 qershor deri më datën 12 qershor dhe përveç diskutimeve të realizuara, të gjithë pjesëmarrësit patën mundësinë të njihen nga afër me disa nga vendet me rëndësi historike për Kosovën duke përjetuar kështu nga afër kulturën dhe historinë e saj të pasur”, përfundoi njoftimi.

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024