Ish-kryetarja e Libohovës dënohet me burg për shpërdorim detyre
Rajoni
Lexohet për: 1 min.
1 muaj më parë
Linku u kopjua

Ish-kryetarja e Bashkisë Libohovë, Luiza Mandi u dënua sot nga Gjykata e Posaçme kundër Krimit të Organizuar dhe Korrupsionit me një vit burg “për shpërdorim detyre”, por për shkak të gjykimit të shkurtuar do të vuajë 8 muaj burgim.

Sipas Gjykatës së Posaçme, Mandi i ndalohet për pesë vjet të ushtrojë edhe funksione publike.

Hetimet nga Prokuroria e posaçme u kryen pas denoncimit të një qytetari nga Libohova se në pronat e familjarëve të tij ishin shkaktuar dëme nga një projekt zhvillimi, kryer nga bashkia për zgjerimin e rrugës.

Prokuroria gjatë hetimeve sekuestroi projektin dhe konstatoi se ishte cenuar prona private, pasi nuk ishte zbatuar procedura e shpronësimit, dhe kishte shkaktuar dëm ekonomik ndaj qytetarit rreth 360.000 lekë.

Luiza Mandi, e cila drejtoi bashkinë Libohovë për dy mandate të fituara në zgjedhjet 2015 dhe 2019 si përfaqësuese e Partisë Socialiste, ndodhet jashtë Shqipërisë dhe është hetuar në gjendje të lirë.

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024