25-vjetori i Çlirimit, Aliu: Heronjtë dhanë gjithçka pa kursyer për atdheun tonë
Lajme
Lexohet për: 2 min.
1 muaj më parë
Linku u kopjua

Në 25-vjetorin e Çlirimit të Kosovës, kryetari i komunës së Shtimes, Qemajl Aliu theksoi se sot ka përjetuar një nga ditët më të veçanta gjatë një takimi me nënat, gratë, motrat dhe mbesat e të gjithë dëshmorëve të Komunës së Shtimes.

“Sot përjetova një nga ditët më të veçanta e u ndjeva mëse i nderuar, jo vetëm në detyrë por në jetë. Në një takim tejet emocional e me çaste edhe drithëruese, në këtë format unik për nder të jubileut çerekshekullor të çlirimit i mirëprita dhe i takova nënat, gratë, motrat apo mbesat e të gjithë dëshmorëve të Komunës së Shtimes”, ka shkruar Aliu në Facebook.

Ai ka thënë se në drekë të përbashkët, edhe me nënkryetaren e Kuvendit të Republikës së Kosovës, Saranda Bogujevci e deputete, Shqipe Selimi evokuam kujtime për secilin prej dëshmorëve me familjarët e tyre të afërt. Çdo fjalë që u tha, çdo kujtim që u nda, ishte një testament i gjallë i sakrificës së tyre.

“Ata janë heronjtë e vërtetë sepse dhanë gjithçka pa kursyer për atdheun tonë. Dhembja për humbjen e tyre është e pafund, por trashëgimia e tyre jeton përherë në zemrat tona. Ne të tjerët kemi detyrën e shenjtë të punojmë pa u lodhur, për të realizuar ëndrrat dhe synimet e tyre”, shkruan ai.

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024