Anulohet vizita e Kouchner në Kosovë
Lajme
Lexohet për: 2 min.
1 muaj më parë
Linku u kopjua

Vizita e Bernard Kouchner, ish-shef i UNMIK-ut në Kosovë dhe të gjitha ngjarjet e planifikuara për datën 11 qershor 2024 janë anuluar.

Komuna e Prishtinës ka njoftuar se vizita është anuluar për shkak të çështjeve logjistike të ndërlidhura me Kouchner, duke mos dhënë më shumë detaje.

“Posa të ri-caktohet data e vizitës do t'ju informojmë në kohë. Ju falënderojmë për mirëkuptimin dhe bashkëpunimin tuaj”, thuhet në njoftim.

Ambasada e Francës gjatë ditës njoftoi se ish-shefi i UNMIK-ut gjatë periudhës 1999-2001 dhe ish-ministër i Jashtëm i Francës do të vizitojë Kosovën më 11 dhe 12 qershor, si pjesë e 25-vjetorit të çlirimit të Kosovës.

Kouchner sipas ambasadës kishte paraparë takime me presidenten Vjosa Osmani, kryeministrin Albin Kurti dhe kryetarin e Prishtinës, Përparim Rama, ku do t’i ndahej Çelësi i Qytetit, si dhe do të zbulohej pllaka e një rruge të emërtuar në emrin e tij më 11 qershor.

Kouchner po ashtu ishte pritur të mbajë një fjalim në një seancë solemne të Kuvendit të Kosovës më 12 qershor dhe vizita në Graçanicë ku do të takohej me përfaqësuesit e komunitetit serb, përfshirë ipeshkvin e Rashkës dhe Prizrenit, Teodosie.

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024