Ngjarjet e datës 10 qershor
Ngjarje
Lexohet për: 3 min.
1 muaj më parë
Linku u kopjua

Presidentja e Kosovës, Vjosa Osmani pret në takim kryeministrin e Republikës së Shqipërisë, Edi Rama. (Mediat mund të marrin pamje te pritja para objektit të Presidencës, ora 08:00).

Presidentja e Kosovës, Vjosa Osmani pret në takim Tony Blair, ish-kryeministër i Mbretërisë së Bashkuar. (Mediat mund të marrin pamje te pritja para objektit të Presidencës ora 09:00 - pas takimit do të ketë deklarime për media) 

Zyra e Bashkimit Evropian në Kosovë zhvillon vizita në Kaçanik, ora 09:35 - takim me kryetarin Besim Ilazi; Hani i Elezit, ora 11:30 - takim me kryetarin Mehmet Ballazhi; ora 12:30 - vizitë te qendra memorialë “Bllaca 99”.

Akademia e Shkencave dhe e Arteve e Kosovës dhe Akademia e Shkencave e Shqipërisë organizojnë konferencën shkencore “25-vjetori i ndërhyrjes së NATO-s dhe çlirimit të Kosovës: Një çerek shekull shtet-ndërtim, arritje dhe sfida - qasje multidisiplinare”. (Salla e Akademisë së Shkencave e Arteve e Kosovës Prishtinë, ora 09:00)

Mbahet konferencë për shtyp e cila shënon hapjen e ekspozitës REPORTING HOUSE nga BIRN Kosova, KALLXO.com, Bienalja e Prishtinës dhe Paper Gallery. (Ish-Shtëpia e Mallrave “Gërmia” Prishtinë, ora 09:30)

Ish-kryeministri i Britanisë së Madhe Tony Blair mban fjalim në Kuvendin e Kosovës. (Kuvendi i Kosovës, ora 10:00)

Komisioni për Shëndetësi diskuton mbi Listën zyrtare të çmimeve të produkteve medicinale. (Kuvendi i Kosovës, salla N-302, ora 12:00)

Lidhja Demokratike e Kosovës dhe Fondacioni Ibrahim Rugova do të mbajnë konferencën ndërkombëtare ‘’Rugova dhe Perëndimi’’, në 25-vjetorin e çlirimit të Kosovës. Paneli i parë: Edi Rama - kryeministër i Shqipërisë, Massimo D’Alema – ish-kryeministër i Italisë, Vincenzo Paglia - president i Akademisë Papnore për Jetën, Jeffrey Hovenier - ambasador i SHBA-së në Kosovë. (Klan Arena Prishtinë, ora 11:00)

Kryetari i Prishtinës Përparim Rama pret në takim ish-kryeministri britanik Tony Blair ku do t’i ndahen çmimet Çelësi i Qytetit dhe Qytetar Nderi i Kryeqytetit. (Ndërtesa e vjetër e Komunës Prishtinë, ora 12:30 – 13:20)

Kryetari i Prishtinës Përparim Rama pret në takim kryeministri e Shqipërisë Edi Rama ku do t’i ndahet çmimi “Çelësi i Qytetit”. (Ndërtesa e vjetër e Komunës Prishtinë ora 16:00 – 17:10)

Me rastin e 25-vjetorit të Çlirimit të Kosovës do të mbahet manifestim për 146-vjetorin e Lidhjes Shqiptare të Prizrenit, ekspozitë e organizuar nga Qendra Rajonale për Trashëgimi Kulturore Prizren. Merr pjesë presidentja Vjosa Osmani (Ora 16:00)

Asociacioni i Gazetarëve të Kosovës organizon ceremoninë për nderimin e punës dhe kontributit të gazetarëve, kameramanëve e fotoreporterëve gjatë periudhës së okupimit. (“Vendum”, rruga “Tringë Smajli”, afër hotel “Swiss Diamond” Prishtinë, ora 17:00)

Presidentja e Kosovës Vjosa Osmani merr pjesë në Ekspozitën “Reporting House” nga BIRN, në Objektin e Gërmisë, sheshi “Skënderbeu” Prishtinë, ora 18:00)

Fondacioni “Kosova 25” do të mbajë ceremoninë gala të çlirimit të Kosovës për të respektuar heronjtë e rënë të UÇK-së, ish-të burgosurit politikë, aktivistët dhe të gjithë patriotët tjerë, gra e burra që kontribuuan për çlirimin dhe lirinë e Kosovës. (Marinë, Skenderaj, ora 19:30)

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024