Tregu i automjeteve në Prishtinë vazhdon të funksionojë, por jo si më parë pasi që numri i shitjes ka rënë e bashkë me të edhe fuqia blerëse.
Qytetarët thonë se çmimet e automjeteve janë të larta për xhepin e tyre, teksa shitësit ankohen se me liberalizimin e vizave dhe shitjet online ka rënë edhe fuqia blerëse.
Qytetari Mon Peci, i cili kishte ardhur për të blerë një veturë, shprehet i zhgënjyer me çmimet e larta.
Se çmimet janë të shtrenjta dhe ka më pak zgjidhje, e thotë edhe qytetari, Arsim Berisha.
Shitësit nga ana e tyre çmimet e automjeteve i konsiderojnë “normale”, teksa mungesën e shitjes së tyre e shohin te rënia e fluksit të blerësve pas heqjes së regjimit të vizave.
Hysen Mazreku thotë se në rënien e fluksit të blerësve ka ndikuar liberalizimi i vizave.
Shitësi tjetër Murat Hashani thotë se del rrallë në treg për shitjen e veturave që i merr kryesisht ngas jashtë, e për çmimin e të cilave thotë se nuk janë të shtrenjta.
Rënia e interesimit për blerje nuk prek vetëm shitësit e automjeteve, por edhe ata që sjellin mallra të ndryshme nga jashtë, përfshirë gjëra antike. Një qytetar, i cili ka sjellë gjëra antike nga Vjena, thotë se ka rënie të madhe të blerësve pasi sipas tij pagat janë të ulëta.
