Kurti përkujton shqiptarët e vrarë nga dora serbe në Paklek të Ri e Studime
Lajme
Lexohet për: 1 min.
1 muaj më parë
Linku u kopjua

Kryeministri Albin Kurti ka përkujtuar viktimat e pafajshme shqiptare të vrara nga dora gjakatare serbe gjatë luftës në Kosovë.

Më 31 maj 1998, në Paklek të Ri të Drenasit, dhjetë civilë shqiptarë të pafajshëm e të pambrojtur u vranë dhe zhdukën nga forcat e armatosura serbe, ndërsa më 31 maj 1999, në Studime të Vushtrrisë, forcat e Serbisë masakruan 13 anëtarë të familjes Gërxhaliu, përfshirë shtatë fëmijë.

Kurti ka thënë se këto dy masakra, një vit larg njëra-tjetrës e për të cilat ende nuk është dënuar askush, janë dëshmi e mizorive që ka përjetuar populli i Kosovës.

“Kujtimi i të vrarëve në Paklek dhe Studime është thirrje për drejtësi dhe angazhim i përhershëm për të mos harruar të kaluarën tonë të dhimbshme. Lavdi martirëve dhe dëshmorëve të Paklekut të Ri dhe Studimes. I përjetshëm qoftë kujtimi i të gjithë të rënëve për lirinë e Kosovës”, ka shkruar Kurti në Facebook.

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024