EULEX: Ne respektojmë në tërësi pavarësinë e autoriteteve gjyqësore
Lajme
Lexohet për: 1 min.
1 muaj më parë
Linku u kopjua

EULEX ka dalë me një sqarim sa i përket rolit të Misionit të Bashkimit Evropian për Sundim të Ligjit mbi operacionet e kryera nga autoritetet e Kosovës në veri.

Në sqarim thuhet se EULEX-i nuk ka mandat ekzekutiv qe nga viti 2018 dhe se detyra e tij e vetme të ndihmojë fuqizimin e institucioneve të sundimit të ligjit në Kosovë.

“Në këtë drejtim, monitorimi është komponentë esenciale e mandatit të EULEX-it. Për ushtrimin efektiv të kapacitetit tonë të monitorimit të thuktë, neve na duhet të kemi edhe prezencë fizike në skenën e aktiviteteve që kryhen nga institucionet e Kosovës përgjatë tërë zinxhirit të drejtësisë”.

EULEX thotë se kryen monitorim si palë e paanshme dhe se gjatë kryerjes së aktiviteteve të monitorimit, respektojnë në tërësi pavarësinë e autoriteteve gjyqësore dhe parimin e mosndërhyrjes.

“Në rast se përmes këtyre aktiviteteve të monitorimit identifikohen mangësi të rënda, Misioni i adreson ato me autoritetet përgjegjëse relevante”, përfundon sqarimi.

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024