Ngjarjet e datës 28 maj
Ngjarje
Lexohet për: 4 min.
1 muaj më parë
Linku u kopjua

Vazhdon procesi gjyqësor në rastin Thaçi dhe të tjerët. (Hagë, ora 09:00)

Ambasadori i BE-së në Kosovë, Tomas Szunyog, viziton komunën e Klinës dhe takon kryetarin e kësaj komune, Zenun Elezaj.(Komuna e Klinës, ora 09:30)

Mbahet  “Konferenca regjionale për higjienën menstruale” e cila organizohet në kuadër të projektit “Our bodies are not a taboo. Period”, I cili zbatohet nga EcoKosWomen dhe mbështet nga Ambasada e Francës në Kosovë. (Klan Arena, ora 09:45)

Këshilli Prokurorial i Kosovës (KPK), mban mbledhjen e radhës. (KPK, ora 10:00)

Komisioni për Çështje të Sigurisë dhe Mbrojtjes shqyrton raportin me rekomandime për Projektligjin Nr.08/L-225 për Agjencinë e Inteligjencës dhe Sigurisë së Mbrojtjes dhe disa rekomandime për projektligje të tjera.(Kuvendi i Kosovës, salla N303, ora 10:00)

Komisioni për Arsim, Shkencë, Teknologji, Inovacion, Kulturё, Rini dhe Sport shqyrton raportin me rekomandime për mbikëqyrjen e zbatimit të Ligjit nr.05/L-90 për Sponzorizime në fushën e Kulturës, Rinisë dhe Sportit i ndryshuar dhe plotësuar me Ligjin nr. 06/L-116. (Kuvendi i Kosovës, salla N225, ora 10:00)

Grupi për Studime Juridike dhe Politike (GLPS) organizon tryezën e diskutimit me temë: “Trajtimi institucional i rasteve të korrupsionit dhe krimit të organizuar: sfidat dhe performanca e sistemit gjyqësor në një vit”. (Hotel Sirius, ora 10:30)

Komisioni për Administratë Publike, Pushtet Lokal, Media dhe Zhvillim Rajonal shqyrton Projektligjin 08/L-294 për ndryshimin dhe plotësimin e Ligjit nr. 08/L-197 për zyrtarët publik. (Kuvendi i Kosovës, salla N303, ora 11:00)

Komisioni për Ekonomi, Industri, Ndërmarrësi dhe Tregti formon grupet e punës për shqyrtimin e projektligjeve në procedurë. Po ashtu shqyrton Raportin vjetor të Zyrës së Rregullatorit për Energji (ZRRE) për vitin për vitin 2023. (Kuvendi i Kosovës, salla N10, ora 11:00)

Ministri i Kulturës, Hajrulla Çeku raporton në Komisionin për Mbikëqyrjen e Financave Publike për raportin e auditimit të performancës “Efektiviteti i fondeve për financimin e sportit”. (Kuvendi i Kosovës, salla N302, ora 11:00)

Ambasadori i BE-së në Kosovë, Tomas Szunyog, viziton komunën e Istogut, dhe takon kryetarin e kësaj komune, Ilir Ferati. (Komuna e Istogut, ora 12:20)

Qendra për Informim, Kritikë dhe Aksion – QIKA, organizon një aktivitet humanitar që ka për qëllim të ofroj peceta menstruale falas për qytetarët. (Sheshi “Xhorxh Bush”, nga ora 12:00 deri në 18:00).

Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione bën shqyrtimin e peticioneve. (Kuvendi i Kosovës, salla N302, ora 13:00)

Komisioni për Mjedis, Ushqim, Bujqësi, Planifikim dhe Zhvillim shqyrton në parim Projektligjin 08/L-305 për ofruesin e shërbimeve të navigacionit ajror, shqyrton Projektligjin 08/L-275 për rrugët dhe Projektligjin 08/L-241 për Vlerësimin Strategjik Mjedisor. (Kuvendi i Kosovës, salla N303, ora 13:00).

OJQ Qendra Avokuese për Kulturë Demokratike - ACDC mban takim të bashkisë mbi praktikën ligjore në Kosovë nga perspektiva e komuniteteve pakicë. (Qendra e Energjisë Qytetare, Mitrovicë Veriore, ora 14:00)

Gjykata Komerciale e Kosovës, Dhomat e Shkallës së Dytë, mban seancën e shqyrtimit gjyqësor për lëndën përmbarimore në mes të Debitorit Telekomi i Kosovës Sh.A. dhe Kreditorit Dardafon.net L.L.C. (Pallati i Drejtësisë, ora 14:00)

Mbahet mbledhja e Këshillit të Përgjithshëm të LDK-së. Mediet do të mund të qëndrojnë në sallë për fjalimin e kryetarit të LDK-së, Lumir Abdixhiku. (Hotel Venus, ora 18:00)

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024