Finalja e Kupës së Italisë, ja formacionet e mundshme
Sport
Lexohet për: 2 min.
2 muaj më parë
Linku u kopjua

Atalanta dhe Juventusi janë gati të luftojnë për triumfin në finalen e Kupës së Italisë këtë mbrëmje, një duel që mund të jetë “kërcimi” i fundit për të dy trajnerët.

Ndeshja mes Atalantas dhe Juventusit fillon në orën 21:00 dhe zhvillohet në “Stadio Olimpico” të Romës, raporton KosovaPress.

Atalanta ka qenë në formë të mirë nën drejtimin e Gian Piero Gasperinit këtë sezon dhe po lufton në fronte të shumta, për kualifikimin në Ligën e Kampionëve, si dhe duke u përgatitur për finalen e Ligës së Evropës kundër Bayer Leverkusenit të Xabi Alonsos.

Atalanta për nuk mund të llogarisë te të lënduarit Emil Holm dhe Sead Kolasinac ndërsa Gianluca Scamacca nuk është i gatshëm për shkak të pezullimit.

Juventusi ka qenë në formë të tmerrshme muajt e fundit nën drejtimin e Massimiliano Allegrit, duke arritur vetëm dy fitore në 15 ndeshjet e fundit radhazi në ligë, një ecuri që pothuajse me siguri e ka lëkundur pozitën e trajnerit italian përpara sezonit të ardhshëm.

Mattia De Sciglio nuk do të paraqitet për “Zonjën e Vjetër” me një dëmtim muskulor dhe Manuel Locatelli është i pezulluar, por pjesa tjetër e skuadrës së Allegrit është në dispozicion.

Dy takimet e Serie A ndërmjet Atalantës dhe Juventusit përfunduan në barazim këtë sezon, duke përfunduar 0:0 në Bergamo dhe 2:2 në Torino, duke i lënë gjërat të pasigurta për finalen e Kupës së Italisë.

Më poshtë mund t’i gjeni formacionet e mundshme të ndeshjes së sotme.

Atalanta (3-4-2-1): Carnesecchi; Djimsiti, Hien, Scalvini; Zappacosta, de Roon, Ederson, Ruggeri; Koopmeiners, Pasalic; De Ketelaere.

Juventus (3-5-2): Perin; Gatti, Bremer, Danilo; McKennie, Cambiaso, Nicolussi Caviglia, Rabiot, Iling Junior; Vlahovic, Chiesa.

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024