Gazetari flet për intervistën bombastike të Maldinit: Më bënë presion që të mos e transmetoja
Sport
Lexohet për: 2 min.
1 muaj më parë
Linku u kopjua

Gazetari Alessandro Alciato zbuloi se ai ishte nën presion që të mos publikonte intervistën e fundit të dhënë nga legjenda e Milanit, Paolo Maldini.

Të enjten, ish-mbrojtësi i kuqezinjve foli hapur për një listë të gjatë temash për Alciato – i cili shkroi autobiografinë e Carlo Ancelottit “Preferisco la Coppa” – që përfshinte kohën e tij si drejtor, mendimet e tij për punën e rivalit, Interit dhe kujtimet e tij për Silvio Berluskonin, raporton KosovaPress.

Tifozët e Milanit u tërbuan kur pronarët e klubit Gerry Cardinale dhe RedBird vendosën të shkarkojnë Maldinin nga posti i tij si drejtor teknik vitin e kaluar dhe intervista e tij e sinqertë shtoi një pasqyrë të mëtejshme për situatën, duke ringjallur zhgënjimet mes mbështetësve.

Presioni i intervistës së Maldinit

Në një story në “Instagram”, Alciato zbuloi se disa palë të paidentifikuara kishin tentuar ta bindnin atë të mos transmetonte intervistën me Maldinin në “Radio Serie A”, radio stacioni zyrtar i ligës.

Ai shkroi: “Nuk më pëlqeu presioni për të mos e transmetuar. Aspak."

Ish-drejtori i Milanit ka mbajtur distancën nga klubi i tij i vjetër dhe Seria A që nga shkarkimi i tij vitin e kaluar, duke zbuluar se ai nuk ndjek më as ndeshjet në stadiumin “Giuseppe Meazza”.

25 vjet çlirim, a jeni të kënaqur me suksesin e Republikës së Kosovës ?
Po
Jo
Nuk e di
Voto
465
Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024