Zgjedhjet në Maqedoni, inaugurimi i presidentes së re më 12 maj
Rajoni
Lexohet për: 2 min.
2 muaj më parë
Linku u kopjua

Të dielën, më 12 maj mbahet seanca për inaugurimin e presidentes së re Gordana Siljanovska Davkova, në orën 12:00. Kuvendi njoftoi se kryetari Jovan Mitreski është në pritje të përfundimit të procedurave në Komisionin Shtetëror të Zgjedhjeve. “Mitreski seancën inauguruese do ta caktojë pasi ta marrë raportin nga KSHZ-ja, afati i fundit është të premten në ora 19. Pas marrjes së raportit, ai do të caktojë seancën inauguruese, e cila do të mbahet më 12 maj në orën 12.00”, thuhet në njoftimin e Kuvendit. Pikërisht Siljanovska, si presidente e re e shtetit, do t’ia japë mandatin për formimin e qeverisë së re partisë fituese në zgjedhjet parlamentare. Këtë ajo duhet ta bëjë jo më vonë se dhjetë ditë pas konstituimit të përbërjes së re parlamentare. Sa i përket seancës konstituive të Kuvendit, ajo është planifikuar të caktohet jo më vonë se 20 ditë pas zgjedhjeve të mbajtura, do të thotë më 28 maj.

Këtë seancë pritet ta thërrasë edhe kryetari aktual i Kuvendit, Jovan Mitreski, ndërsa nëse nuk e bën këtë, dispozitat ligjore parashikojnë që në ditën e 21 të zgjedhjeve, deputetët e sapo-zgjedhur të mblidhen vetë për konstituimin e Kuvendit kurse me këtë seancë do të kryesonte deputeti më i vjetër. Komisioni Shtetëror i Zgjedhjeve për Alsat bën me dije se afati prej 48 orëve për ankesa dhe vërejtje për shkelje të mundshme të të drejtës së votës për zgjedhjet presidenciale tashmë është duke rrjedhur dhe përfundon nesër. Po ashtu, rrjedh afati dyditor për vërejtje lidhur me rezultatet e përmbledhura të zgjedhjeve, pasi KSHZ-ja dje pas orës 19:00 filloi shpalljen e rezultateve fillestare jozyrtare për zgjedhjen e kreut të shtetit. Edhe ky afat skadon nesër dhe për momentin asnjë parti nuk ka bërë njoftim zyrtar se do t’i kontestojë rezultatet, andaj pritet që Gordana Siljanovska- Davkova të fillojë ta ushtrojë postin e presidentes nga e diela.

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024