Presidenti Radev zhvillon një vizitë zyrtare në Azerbajxhan me ftesë të homologut Aliyev
Lajme
Lexohet për: 1 min.
1 muaj më parë
Linku u kopjua

Presidenti bullgar Rumen Radev ka mbërritur të martën për një vizitë zyrtare në Republikën e Azerbajxhanit me ftesë të homologut të tij Ilham Aliyev. Delegacioni bullgar u prit zyrtarisht në aeroport.

Në delegacion janë ministri në detyrë i Energjetikës Vladimir Malinov, kryetari i Grupit të Miqësisë Bullgari-Azerbajxhan në Asamblenë Kombëtare, Hamid Hamid dhe përfaqësues të biznesit.

Të dy krerët e shteteve do të mbajnë një seancë kokë më kokë dhe do të udhëheqin bisedimet plenare ndërmjet delegacioneve të dy vendeve, pas së cilave do të nënshkruajnë një deklaratë të përbashkët për avancimin e partneritetit strategjik midis Bullgarisë dhe Azerbajxhanit.

Në Baku, Radev do të takohet edhe me kryetaren e Parlamentit të Azerbajxhanit, Sahiba Gafarova dhe do të bisedojë me specialistë bullgarë që punojnë në fushën e sportit në Azerbajxhan.

Fuqizimi dhe thellimi i partneritetit strategjik bilateral në fushat me interes të përbashkët, duke përfshirë ekonominë, energjinë, teknologjitë e larta, inovacionet, transportin dhe turizmin, pritet të jenë në fokus të vizitës së presidentit Radev./BTA/

25 vjet çlirim, a jeni të kënaqur me suksesin e Republikës së Kosovës ?
Po
Jo
Nuk e di
Voto
465
Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024