Konjufca deklaron pasurinë, kjo është vlera e saj
Lajme
Lexohet për: 2 min.
1 muaj më parë
Linku u kopjua

Kryetari i kuvendit, Glauk Konjufca, e ka deklaruar pasurinë e tij në Agjencinë për Parandalimin e Korrupsionit për vitin 2024.

Konjufca ka deklaruar se pasuri të paluajtshme posedon në vlerë prej 310 mijë e 773 euro, ku vlerën më të madhe të kësaj pasurie e kanë dy banesa, njëra në emër të tij për të cilën ka deklaruar se e ka blerë në vitin 2018, e që ka sipërfaqe prej 99.41 metra katrorë, vlera e së cilës është 60 mijë e 793 euro, dhe banesa në emër të prindit të tij, në sipërfaqe prej 115 metra katrorë në vlerë prej 92 mijë euro, e blerë në vitin 2008.

Si pasuri të luajtshme ka përmendur veturën e bashkëshortes që e ka blerë vjet në shumë 3 mijë euro.

Tek paratë e gatshme, Konjufca ka deklaruar 3 mijë e 510 euro si kursime nga të ardhurat personle dhe 5 mijë e 594 euro, si shumë e akumuluar nga pagat e marra.

Ndërkohë, prindërit e tij kanë rreth 90 mijë euro të kursyera.

Konjufca ka deklaruar se ka një kredi që e kishte marrë për blerjen e banesës. Aty figuron se shuma totale e kredisë është 61 mijë e 424 euro, ku vlerë e mbetur janë 33 mijë e 607 euro.

Aty ka përmendur edhe një donacion që ka bërë për Lëvizjen Vetëvendosje në dhjetor të vitit të kaluar, në vlerë 2 mijë euro.

Konjufca merr pagë vjetore në vlerë 27 mijë e 555 euro si Kryetar i Kuvendit,  derisa 3 mijë e 589 euro ka deklaruar se i ka marrë si mëditje për udhëtimet zyrtare jashtë vendit.

Si të hyra vjetore të bashkëshortes i ka deklaruar 1 mijë e 504 euro nga pagat nga Universiteti i Prishtinës, dhe 340 euro nga masat e Ministrisë së Financave.

Ndërsa, të prindërve rreth 25 mijë euro.

Kush do ti fitojë zgjedhjet në Kosovë?
VV
PDK
LDK
AAK-Nisma
Lista GUXO
Nuk e di
Voto
1,262
Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024