Premtohet rritje e numrit të inspektorëve shëndetësorë e farmaceutikë
Shëndetësi
Lexohet për: 2 min.
1 muaj më parë
Linku u kopjua

Kryeministri i Kosovës Albin Kurti dhe ministri i Shëndetësisë Arben Vitia kanë pritur sot në takim 24 inspektorët e rinj shëndetësorë dhe tetë inspektorët e rinj farmaceutikë. Me këtë rast, kreu i qeverisë ka vlerësuar lart rolin e inspektorëve, të cilët siç tha ai, janë sytë dhe veshët e ankesave të qytetarëve për shërbimet shëndetësore. “Nga 11 inspektorë shëndetësorë po bëheni 35. Nga 12 inspektorë farmaceutikë, po bëheni 20. Pra, 32 inspektorë të rinj gjithsej, që do të thotë trefish më shumë inspektorë në fushën e shëndetësisë. Me nënshkrimin e kontratave të reja, duhen zgjidhje edhe për sfidat logjistike, me ç’rast janë nisur procedurat për objektin e veçantë për Inspektoratin që do të rinovohet, si dhe do të shtohet edhe flota e makinave në mbarëvajtjen e punës dhe shpejtësinë e rezultateve”, tha ai.

Duke uruar inspektorët e rinj shëndetësorë dhe farmaceutikë, kryeministri Kurti paralajmëroi shtimin e numrit të inspektorëve, si garanci e zbatimit të ligjeve dhe trajtimit të barabartë të pacientëve. Kurti ka bërë të ditur se është në finalizim edhe Ligji për Inspektoratin Qendror që rregullon ushtrimin e detyrave dhe përgjegjësive për inspektorët, i cili do të ndikojë në përmirësimin e shërbimeve për qytetarët. Ndërsa, ministri Vitia premtoi plotësimin e kushteve të nevojshme për punë për inspektorët. 

A do te jetë qeveria e ardhshme VV-PDK?
Po
Jo
Nuk e di
Voto
138
Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024