Përfaqësuesit spanjollë do të votojnë kundër anëtarësimit të Kosovës në KiE
Lajme
Lexohet për: 3 min.
1 muaj më parë
Linku u kopjua

Përfaqësuesit e PSOE dhe PP në Asamblenë Parlamentare të Këshillit të Evropës (APKE) do të votojnë të martën e ardhshme kundër anëtarësimit të Kosovës në këtë organizatë pan-evropiane të përbërë nga 46 vende, kanë konfirmuar për Europa Press burime socialiste dhe 'popullore'. Si pesë parlamentarët socialistë ashtu edhe të tre të PP-së do të refuzojnë pranimin e Kosovës. “Do të votojmë kundër, sepse vazhdojmë të mbajmë të njëjtat kritere për Kosovën”, sqarojnë burimet e PSOE, të cilët konsiderojnë se tani nuk është koha për hyrjen e Kosovës në Këshillin e Evropës pasi mund të “hapë hapësira për konfrontim” duke qenë se në mesin e 46 shtete anëtare janë disa që nuk i njohin, si dhe Spanja.

Nuk ka asnjë ndryshim edhe për sa i përket qëndrimit që PP ka mbrojtur që nga ngjarjet e vitit 2008 dhe që u mbajt gjatë qeverisjes së Mariano Rajoy për mosnjohjen e pavarësisë së Kosovës, transmetojnë burimet e PP, duke konfirmuar se ata do ta votojë kundër. Asambleja Parlamentare do të mbajë një debat të martën në të cilën do të duhet të vendosë nëse do t'ia referojë vendimin për hyrjen e Kosovës Komitetit të Ministrave, organi më i lartë i organizatës, përpara takimit të tij në mes të majit në Rejkjavik. Ishte pikërisht ky institucion që një vit më parë i kishte kërkuar PACE-së që të merrte një qëndrim për këtë çështje pasi Kosova zyrtarisht dorëzoi aplikacionin e saj për anëtarësim më 12 maj.

Apriori, peticioni kosovar nuk duhet ta ketë problem të kalojë në Asamblenë Parlamentare, pavarësisht refuzimit të tetë përfaqësuesve të PSOE dhe PP --Spanja ka gjithsej dymbëdhjetë deputetë në APKE, pasi ekziston një shumicë e madhe vendet e të cilëve njohin Kosovën dhe do të votojnë pro. As në Komitetin e Ministrave, ku dy të tretat e 46 vendeve anëtare duhet të votojnë pro - Rusia u largua pas pushtimit të Ukrainës - domethënë 31 vende. Burime diplomatike sqarojnë për Europa Press se qeveria “mban qëndrimin e saj të mosnjohjes”, duke lënë të kuptohet se kur të vijë koha, ministri i Jashtëm, José Manuel Albares, do ta votojë kundër. Listën e shteteve anëtare të Këshillit të Evropës që nuk e njohin Kosovën e plotësojnë Armenia, Azerbajxhani, Bosnja, Gjeorgjia, Moldavia dhe Ukraina. Debati i së martës së ardhshme vjen pasi Komisioni i PACE për Çështjet Politike dhe Demokracinë rekomandoi anëtarësimin e Kosovës në Këshillin e Evropës më 27 mars mbi bazën e një raporti të përgatitur nga parlamentarja greke Dora Bakojanis (EPP). Kosova që nga pavarësia e saj ka arritur të bëhet pjesë e disa organizatave ndërkombëtare si Banka Botërore, Fondi Monetar Ndërkombëtar (FMN) apo Komiteti Olimpik Ndërkombëtar (IOC).

A do te jetë qeveria e ardhshme VV-PDK?
Po
Jo
Nuk e di
Voto
309
Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024