Lista Serbe nuk merr pjesë në votimin për shkarkimin e kryetarëve në veri
Lajme
Lexohet për: 2 min.
1 muaj më parë
Linku u kopjua

Lista Serbe njoftoi se nuk do të merr pjesë në votimin për largimin nga detyra të kryetarëve shqiptarë në katër komunat në veri të Kosovës, duke akuzuar kryeministrin Albin Kurti “për përpjekje për dëbim të serbëve”. Vendimi që më 21 prill të mbahen votimet për largimin nga detyra të kryetarëve në komunat në veri pasoi verifikimin e listave të nënshkrimeve që janë mbledhur për një peticion gjatë janarit në Mitrovicën e Veriut, Zveçan, Zubin Potok dhe Leposaviq.

“Pjesëmarrja në proceset e organizuara nga Kurti, do të ishte poshtërimi më i madh për popullin tonë në një moment kur i njëjti Kurti ua ka mohuar serbëve të drejtën për pensione, paga, përfitimeve sociale, hoqi të drejtën e votës, arrestoi e persekutoi serbët,” thotë Lista Serbe. Komisioni Qendror i Zgjedhjeve tashmë ka bërë përgatitjet për votimet e 21 prillit dhe për largimin e kryetarit të një komune duhet të votojnë 50 për qind plus një e votuesve me të drejtë vote. Nëse dështon, një peticion tjetër nuk mund të organizohet përpara se të kenë kaluar 12 muaj. Por Lista Serbe thotë se kryeministri Kurti “dëshiron ta përdorë këtë census për ta sulmuar më tej Serbinë me disa pretendime për dëmshpërblim të luftës, gjë që dekurajon edhe më tej çdo serb që të jetë pjesë e këtij procesi.” Mitrovica e Veriut, Zubin Potoku, Leposaviqi dhe Zveçani, udhëhiqen nga kryetarët shqiptarë të dalë nga zgjedhjet e 23 prillit 2023, të cilat u bojkotuan nga serbët.

A do te jetë qeveria e ardhshme VV-PDK?
Po
Jo
Nuk e di
Voto
139
Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024