Japonia ndalon eksportet e 164 artikujve industrialë në Rusi
Bota
Lexohet për: 1 min.
2 muaj më parë
Linku u kopjua

Japonia do të zgjerojë ndalimin e saj të eksporteve në Rusi për të përfshirë 164 artikuj shtesë industrialë si bateritë litium-jon, tubacionet e gazit dhe vajin e motorit të makinave. Kjo është bërë e ditur nga Ministria e Ekonomisë, Tregtisë dhe Industrisë së Japonisë, transmeton Ukrinform, duke iu referuar “Asahi Shimbun.” Shtesa më e fundit në listën e kontrollit të eksporteve të Japonisë, si pjesë e sanksioneve të saj kundër veprimeve të Moskës në Ukrainë, e cila përfshin gjithashtu termostate, produkte nitrocelulozë dhe makina të përpunimit të drurit, do të hyjë në fuqi më 17 prill, tha ministria.

Sipas ministrisë, ndalimi i importeve të diamanteve ruse për përdorim jo-industrial, një masë e shpallur pasi Japonia dhe vendet e tjera të Grupit 7 (forum politik dhe ekonomik ndërqeveritar) u takuan praktikisht me presidentin ukrainas Volodymyr Zelensky në dhjetor, do të fillojë më 10 maj. Në mars, qeveria japoneze miratoi një vendim për të zgjatur edhe për një vit rezolutën për t'i hequr Rusisë statusin tregtar të "kombit më të favorizuar", si pjesë e sanksioneve ekonomike për pushtimin e saj në Ukrainë.

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024