Ukraina ndërton shkollën e parë nëntokësore
Lajme
Lexohet për: 2 min.
3 muaj më parë
Linku u kopjua

E vendosur gjashtë metra nën tokë, "shkolla bunker" e parë e ndërtuar me qëllim për t'i mbrojtur nxënësit nga bombardimet ruse, tani është gati për shkollarët në qytetin e dytë më të madh të Ukrainës, Harkiv. (Përgatiti: Syzanë Paçarizi)

Harkivi, një qytet që ndodhet më pak se 35 kilometra nga kufiri rus, ka hapur shkollën e tij të parë nëntokësore të ndërtuar me qëllim mbrojtjeje mes sulmeve të përditshme ruse me raketa.

Hyrja në institucionin arsimor nuk është bërë publike për arsye sigurie.

Objekti është ndërtuar me sisteme moderne të ventilimit dhe rigjenerimit të ajrit për të parandaluar lagështinë e lartë. Gjithashtu, është i pajisur me mbrojtje kundër rrezatimit.

Një klasë për nxënësit më të rinj. Shumica e fëmijëve të Harkivit kanë mbajtur mësim online, me disa klasa që ofrohen në stacionet e metrosë së qytetit. Për shkak të hapësirës së kufizuar, jo të gjithë fëmijët mund të përfshiheshin në mësim.

Një dhomë rekreative që mund të përdoret edhe për mësim. Deri në 900 nxënës -- në dy ndërrime -- pritet ta përdorin objektin.

Edhe parashkollorët kanë hapësirën e tyre...

Një klasë për nxënësit e shkollave fillore.

Mjetet e reja shkollore presin nxënësit t'i përdorin...

Klasa për nxënësit e shkollave të mesme.

Një klasë ushtrimesh për maturantët.

Salla e mësimdhënësve në shkollën nëntokësore.

Shkolla ka tri burime të pavarura të energjisë.

Shkolla nëntokësore është e pajisur edhe me një dhomë të vogël infermierësh.

Mensa e shkollës nëntokësore në rajonin e Harkivit.

Që nga fillimi i pushtimit të plotë të Rusisë në Ukrainë, janë vrarë më shumë se 10.000 civilë, nga të cilët 587 ishin fëmijë, sipas shifrave të OKB-së të publikuara në shkurt./REL/

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024